បន្ទាយមានជ័យៈ លោកបណ្ឌិត ភីតថឺ លី ប្រធានក្រុមហ៊ុន អូប៊ីអូអ រ៉ូយ៉ាល់ ខនស្រ្តាក់សិន គ្រុប ឯ.ក ព្រមទាំងក្រុមគ្រួសារ បាននាំយក
គ្រឿងឧបភោគបរិភោគ ប្រគេនព្រះចៅអធិការ វត្តប្រាសាទស្រះកណ្ដាល ហៅថា វត្តខ្ចាស់ ស្ថិតក្នុង ឃុំបុស្បូវ ស្រុកព្រះនេត្រព្រះ ខែត្រ
បន្ទាយមានជ័យ សម្រាប់ចែកជូនប្រជាពលរដ្ឋភៀសសឹកស្នាក់នៅក្នុងចំនួន៦០០គ្រួសារ កាលពីព្រឹកថ្ងៃទី២៧ ខែធ្នូ ឆ្នាំ២០២៥។
ព្រះចៅអធិការ នឹងយកគ្រឿងឧបភោគបរិភោគទាំងនេះ បន្តចែកជូនពលរដ្ឋភៀសសឹក ដែលស្នាក់ក្នុងទីអារ៉ាមនៃព្រះអង្គដែលពួកគាត់
កំពុងតែជួបការលំបាកខ្វះខាតក្នុងជីវភាពប្រចាំថ្ងៃ។
អំណោយមនុស្សធម៌ទាំងនោះរួមមាន អង្ករ៥តោន ទឹកសុទ្ធ២០០កេស និងបបរសណ្តែកកំប៉ុងចំនួន១០០កេស។ អំណោយទាំងនេះជា
ការចូលរួមចំណែកជាមួយ រាជរដ្ឋាភិបាលកម្ពុជា ក្នុងការឧបត្ថម្ភពលរដ្ឋភៀសសឹកដែលកំពុងជួបការលំបាកពីការឈ្លានពានពីសំណាក់
កងទ័ពថៃ មកលើដែនអធិបតេយ្យភាពកម្ពុជា។ នេះគឺជាស្មារតី ខ្មែរជួយខ្មែរ រួបរួមកម្លាំងសាមគ្គីគ្នាគឺខ្មែរតែមួយ។
ព្រះគ្រូចៅអធិការធម្មាលង្ការ មុន្នី ចាន់ មានសង្ឃដីកាថា ពលរដ្ឋភៀសសឹកដែលកំពុងស្នាក់នៅក្នុងវត្តនេះ មានចំនួន៦០០គ្រួសារ និង មានមនុស្សទាំងអស់ប្រមាណជាង៦,០០០នាក់។
លោកបណ្ឌិត ភីតថឺ លី បានអំពាវនាវដល់បងប្អូនទូទាំងប្រទេសបើទោះបីជាមានបទឈប់បាញ់ក៏ពិតមែនក៏ប៉ុន្តែសូមមេត្តាបន្តរួបរួម
ជួយគ្នាក្នុង ស្មារតីខ្មែរតែមួយ ដើម្បីជួយផ្គត់ផ្គង់បណ្ដោះអាសន្នដល់បងប្អូនរដ្ឋខ្មែរយើងដែលមានផលប៉ះពាល់ និងជាពិសេស វីរកង
ទ័ពជួរមុខដែលបាននិងកំពុងខិតខំការពារបូរណភាពទឹកដីកម្ពុជានៃយើងបានសុខសន្តិភាព។
គួររំលឹកថា លោកបណ្ឌិត ភីតថឺ លី និងក្រុមគ្រួសារ តែងតែចូលរួមចំណែកជាមួយ រាជរដ្ឋាភិបាលកម្ពុជា ឧបត្ថម្ភគាំទ្រជាសម្ភារថវិកា
គ្រឿងឧបភោគបរិភោគជូនដល់ វីរកងទ័ពកម្ពុជា ការពារទឹកដីមាតុភូមិនៃយើង និងបងប្អូនពលរដ្ឋភៀសសឹកដោយសារការឈ្លានពាន
ទឹកដីខ្មែរពីសំណាក់ កងទ័ពថៃ៕
