ស្វាយរៀងៈ លោកឧត្ដមសេនីយ៍ត្រី កែវ សុថា ស្នងការរងទទួលផែនការងារប្រឆាំងគ្រឿងញៀន បានដឹកនាំកម្លាំងការិយាល័យជំនាញ សហការជាមួយកម្លាំង អធិការដ្ឋាននគរបាល ក្រុងបាវិត ចុះបង្ក្រាបករណីជួញដូរ ដឹកជញ្ជួន រក្សាទុក កែច្នៃ ប្រើប្រាស់គ្រឿងញៀន និងកាន់កាប់អាវុធខុសច្បាប់ឃាត់ខ្លួនជនសង្ស័យបានចំនួន៥នាក់ប្រុស ( ជនជាតិវៀតណាម៤នាក់ និងជនជាតិចិន១នាក់) ក្នុងបន្ទប់ជួលមួយកន្លែងស្ថិតនៅ ភូមិបាវិតកណ្ដាល សង្កាត់បាវិត ក្រុងបាវិត កាលពីថ្ងៃទី១៨ ខែមីនា ឆ្នាំ២០២៦។
ប៉ូលិសបានដកហូតវត្ថុតាងដ៏ច្រើនសន្ធឹកសន្ធាប់នោះមាន សារធាតុញៀនគ្រប់ប្រភេទទម្ងន់៤៤គីឡូក្រាម៧៦៨.២២ក្រាម, សារធាតុមិនច្បាស់ទម្ងន់៨គីឡូ ៩៦១.១៤ក្រាម, ជញ្ជីងថ្លឹង១០គ្រឿង, អាវុធខ្លី៤ដើម, បង់៤, គ្រាប់ចំនួន២០០គ្រាប់, ទូរស័ព្ទ៦គ្រឿង, រថយន្ត១គ្រឿង និងសម្ភារប្រើប្រាស់មួយចំនួនទៀត។
ក្រុមជនសង្ស័យព្រមទាំងវត្ថុតាងត្រូវសមត្ថកិច្ច កំពុងកសាងសំណុំរឿងបញ្ជូនទៅកាន់សាលាដំបូងខែត្រដើម្បីចាត់ការតាមនីតិវិធី៕
