ភ្នំពេញៈ យោងតាម ហ្វេសប៊ុកផ្លូវការ និងបណ្ដាញសង្គម តេឡេក្រាម របស់សម្ដេចតេជោ ហ៊ុន សែន ប្រធានព្រឹទ្ធសភា និង
ជាអតីតនាយករដ្ឋមន្ត្រី បានបបួលពួកបច្ចាមិត្តថៃដែលបានចិញ្ចឹមចិត្តឈ្លានទឹកដីខ្មែរម្ដងហើយម្ដងទៀតឱ្យយកផែនទីផ្លូវការ
ដែលអន្តរជាតិទទួលស្គាល់ ( មិនមែនជាផែនទីចោរដែលគូសខ្លួនឯងដើម្បីលួចដី ) ទៅកាន់តុលាការយុត្តិធម៌អន្តរជាតិឡាអេ ដើម្បីបញ្ចប់សេចក្តីក្រោមយុទ្ធសាស្ត្រពន្លត់ភ្លើង ជាជាងអង្គុយបក់ផ្សែងដើម្បីសេចក្តីសុខ និងសាមគ្គីភាពនៃអ្នកជំនាន់ក្រោយ
កុំឲ្យមានរឿងច្រំដែលកើតឡើងបន្តទៀត។
សម្ដេចតេជោ សែន បានបញ្ជាក់ជំហរយ៉ាងច្បាស់លាស់ថា កម្ពុជា មិនដកទ័ពថយចេញពីកន្លែងមុំបីដែលជាទឹកដីរបស់ខ្មែរ
ដែលកំពុងតែឈរជើងតាំងពីយូរលង់ណាស់មកហើយនោះទេ។ ប្រជាពលរដ្ឋខ្មែរ គាំទ្រជានិច្ចនិងនៅជាមួយ សម្ដេចតេជោ
និងរាជរដ្ឋាភិបាលកម្ពុជា ដែលកំពុងតែការពារ ជាតិ សាសនា ព្រះមហាក្សត្រ នៃបូរណភាពទឹកដីខ្មែរ។
ផេកផ្លូវការទាំងពីររបស់ សម្ដេចតេជោ សែន បានចេញផ្សាយ នាព្រឹកថ្ងៃទី៣១ ខែឧសភា ឆ្នាំ២០២៥ ថា នៅក្នុង ហ្វេសប៊ុក
( Facebook ) របស់ខ្ញុំ ត្រូវបានពួកជ្រុលនិយមថៃ ចូលមកជេរប្រមាថ ដែលជាចេតនាចង់បំផ្លាញទំទាក់ទំនងល្អរវាង រដ្ឋាភិបាល
និងប្រជាជន នៃប្រទេសទាំងពីរ កម្ពុជា-ថៃ និងចង់ដុតកំដៅឲ្យមានការប្រយុទ្ធគ្នារវាង កងទ័ពប្រទេសទាំងពីរ។ ក៏មានជនជាតិ
ថៃមួយចំនួនចង់ឲ្យកម្ពុជាដកកងទ័ពចេញពីតំបន់ដែលកងទ័ពកម្ពុជាកំពុងឈរជើង។
ដើម្បីចៀសវាងការវង្វេងប្រវត្តិសាស្ត្រ នៃពួកជ្រុលនិយមថៃនោះ សម្ដេចតេជោ សូមបញ្ជាក់នូវសារដ៏មានសារសំខាន់៣ចំណុច
ដូចខាងក្រោមៈ
ទី១. តំបន់មុំបីនេះ ជាទឹកដីកម្ពុជា និងត្រូវបានកងទ័ពកម្ពុជា ឈរជើងតាំងពីមុន កិច្ចព្រមព្រៀងប៉ារីស ទៅទៀត មានន័យថា មុន
MoU ឆ្នាំ២០០០ ប្រហែល១៣ ឬ១៤ឆ្នាំ។ អ៊ុនតាក់ ប្រហែលជាអាចធ្វើសាក្សីបាន ហើយបើមិនច្បាស់ កម្ពុជានិងថៃ អាចព្រមព្រៀង
គ្នាយកបញ្ហានេះអមដោយ ផែនទីផ្លូវការដែលអន្តរជាតិទទួលស្គាល់ ( មិនមែនជាផែនទីចោរ ដែលគូសខ្លួនឯងដើម្បីលួចដី ) ទៅ
កាន់ តុលាការយុត្តិធម៌អន្តរជាតិឡាអេ ដើម្បីបញ្ចប់សេចក្តីក្រោមយុទ្ធសាស្ត្រពន្លត់ភ្លើង ជាជាងអង្គុយបក់ផ្សែង និងដើម្បីសេចក្តី
សុខ និងសាមគ្គីភាព នៃអ្នកជំនាន់ក្រោយកុំឲ្យមានរឿងច្រំដែលកើតឡើងបន្តទៀត។
ទី២. រូបថតប៉ុន្មានសន្លឹកដែលខ្ញុំ និងភរិយាព្រមទាំងសហការី បានទៅកាន់តំបន់នោះ កាលពីជាង១៥ឆ្នាំមុនគឺជាភស្តុតាងកាន់តែ
ច្បាស់បញ្ជាក់ថា ជាទឹកកម្ពុជា។ ខ្ញុំមិនអាចស្លៀកពាក់យោធាទៅថតក្នុង ទឹកដីថៃឬទឹកដីឡាវ នៅតំបន់នោះបានទេ ពិតមែនតែ
ពេលនោះ ខ្ញុំទទួលកងទ័ពឡាវ នៅក្នុងរោងបុណ្យនេះ ( រោងនេះត្រូវបានភ្លើងឆេះកាលពីប៉ុន្មានឆ្នាំមុន )។
ទី៣. កម្ពុជាមិនអាចដកកងទ័ពចេញពីទឹកដីរបស់ខ្លួន តាមការទាមទាររបស់ភាគីថៃបានឡើយ។ ក្បួនបែបនេះ គឺជាក្បួនដែល
អតីតនាយករដ្ឋមន្ត្រីថៃ អាភិសិដ្ឋ វេចាជីវ៉ា និយាយមកកាន់ខ្ញុំ ចំពោះមុខ ប្រធានាធិបតីឥណ្ឌូណេស៊ី កាលពីខ្ញុំពី ២០១១ ថា សូម
ភាគី២ដកកងទ័ពចេញពី តំបន់ប្រាសាទព្រះវិហារ ទាំងអស់គ្នា។ ខ្ញុំនិយាយទៅកាន់ អាភិសិដ្ឋ វិញថា ខ្ញុំមិនអាចដកកងទ័ពចេញ
ទឹកដីខ្លួនឯងបានទេ ផ្ទុយទៅវិញ ឯកឧត្តម ត្រូវដកកងទ័ពឈ្លានពានរបស់ ឯកឧត្តម ចេញដោយគ្មានលក្ខខណ្ឌ។
គួរបញ្ជាក់ថា ការកើតឡើងនៅ មុំបីចំនួន៣ថ្ងៃមកនេះ គឺរឿងច្រំដែល នៃល្បិចកលចង់យកដីពីកម្ពុជា ដោយ មេបញ្ជាការថ្នាក់
ក្រោម ដោយមានការគាំទ្រពី ក្រុមនិយមជ្រុលរបស់ថៃ ផងដែរ៕
