ព្រះវិហារៈ ពួកខ្មាំងប្រវត្តិសាស្ត្រ នៃបច្ចាមិត្ត ដែលបានចិញ្ចឹមចិត្តលេបទឹកដីកម្ពុជាមិនចេះឆ្អែតឆ្អន់ ទាហានជាតិនិយមជ្រុលថៃ
បានបើកការបាញ់ប្រហារមុនមកលើ លេណដ្ឋានកងទ័ពកម្ពុជា ដែលឈរជើងរបស់ខ្លួនជាយូរលង់ណាស់មកហើយបណ្ដាល
ឱ្យបាត់បង់អាយុជីវិតកងទ័ពខ្មែរយើងម្នាក់ នៅវេលាម៉ោងជាង៥ព្រឹកថ្ងៃទី២៨ ខែឧសភា ឆ្នាំ២០២៥ ស្ថិតនៅ ភូមិតេជោមរកត
ឃុំមរកត ស្រុកជាំក្សាន្ត ខែត្រព្រះវិហារ។
ការប៉ះទង្គិចគ្នារវាង កងទ័ពកម្ពុជា និងកងទ័ពថៃ នេះគឺយោងតាមសេចក្ដីប្រកាសព័ត៌មានរបស់ ក្រសួងការពារជាតិ នៃព្រះរាជា
ណាចក្រកម្ពុជា ចុះថ្ងៃទី២៨ ខែឧសភា ឆ្នាំ២០២៥ ដែលមានវាយត្រាក្រហមនៅផ្នែកខាងក្រោម ហើយត្រូវបានគេយកមកផ្សព្វ
ផ្សាយជាសាធារណៈ។ យុទ្ធជនខ្មែរដ៏អង់អាចក្លាហានដែលបានពលីជីវិតនោះមានឈ្មោះ សួន រោន បម្រើកងទ័ពនៅ វរលេខ៣៩៥
នៃកងពលលេខ០៩មុំបី ស្រុកជាំក្សាន្ត ខែត្រព្រះវិហារ។ លោក សួន រោន វ័យ៤៨ឆ្នាំ មានទីលំនៅ ភូមិកំពេញ ឃុំយោង ស្រុកជាំក្សាន្ត។
លោកបណ្ឌិត យង់ ពៅ អ្នកជំនាញភូមិសាស្ត្រនយោបាយ និងជា អគ្គលេខាធិការ នៃរាជបណ្ឌិត្យសភាកម្ពុជា បានលើកឡើង
ថា « ថៃបញ្ហាខាងក្នុងខ្លួនឯង តែងរុញបញ្ហាមក ព្រំដែន បញ្ហាកើតមិនជាខុសគ្នាទេ។ កម្ពុជា ត្រូវការសន្ដិភាព និងមានភាពចាំ
បាច់ការពារឱ្យខាងតែបាន អធិបតេយ្យភាពផែនដី »។
ចំណែកលោក មៀច សុវណ្ណារ៉ា បានសរសេរសាររំលែកទុក្ខនៅលើ ទំព័រហ្វេសប៊ុក របស់ខ្លួននារសៀលថ្ងៃទី២៨ ខែឧសភា នេះ
ថា « ខ្ញុំសូមចូលរួមរំលែកទុក្ខដល់ វីរបុរសកងទ័ព បូជាជីវិតដើម្បីការពារបូរណភាពទឹកដី ខ្ញុំមិនគាំទ្រំឱ្យមានសង្គ្រាមបំផ្លាញជីវិត
មនុស្សជាតិទេ ប៉ុន្តែខ្ញុំផ្ដល់គុណតម្លៃឥតគណនាដល់ ការលះបង់ជីវិតរបស់កងទ័ពកម្ពុជា »។
គួរបញ្ជាក់ថា មួយរយៈកន្លងមកនេះ ថៃកម្រើកចិត្តយ៉ាងខ្លាំងពី រឿងបញ្ហាព្រំដែន ជាមួយនឹង ប្រទេសកម្ពុជា ពិសេសនៅតំបន់
ប្រាសាទតាមាន់ ខែត្រឧត្តរមានជ័យ និងតំបន់ចុងបូនជួរភ្នំដងរែក ស្រុកជាំក្សាន្ត ខែត្រព្រះវិហារ។ កាលពីខែមុនថៃបាន បិទច្រក អានសេះ ស្រុកជាំក្សាន្ត ជាឯកតោភាគីម្ដងរួចមកហើយ។ ប៉ុន្តែករណីនេះក៏មានការចរចាគ្នារវាងភាគីខ្មែរ និងថៃ ក៏ធ្វើឱ្យស្ថានការណ៍ បានធូរស្រាលតែមួយរយៈពេលខ្លីប៉ុណ្ណោះកើតមានអរិភាពនឹងគ្នាទៀត៕
